Paparibod

Gapanaw. Luway-luway. Nakasukong.
Gatanaw sa mga batong natuntungan.
Sa aspaltong kun boot ikan mga graba.
Oho, aram ko yon. Mga traysikel, awtong
naga-aragi sa ako. Brrrmmm...(2x).
Ki...kik...ki....kik(2x). Asa higad man ako.
Right lane. Mi man nila ako magigilis.
Masasagi. Ma-oongahan.
Aram ko. Maski nakasukong ako.
Aram ko kun mabubungo na ako.

Ano daw ikan na sinugnad sa Boarding House?
Aram mi pa ta solo-solo ngani ako doon.
Pero baad nag-abot na si Tang Erning tapos
si Bador. Baad nakasugnad na lamang sila.
Isip-isip. Siyempre. Ta kun mi pa makaon na
sana ako sa luwas. Doon kila Paring na sana
ako mangodto.

Gasukong. Igasipa yo batong nanagbuan.
Panaw. Sige. Panaw. Tukad ning dwagi tapos
liko. Diretso. Dire-diretso. Liko. Boarding House.

Hay salamat. I'm home. Gakanta. Baga yo asa
Snow White & The Seven Dwarfs. Gakanta.
I'm home..I'm home...I'm home..I'm home....

Dire-diretso sa loog ning kwarto. Gaapura.
Gapalatak yo tunog ning sapatos sa semento.
Dire-diretso. Tinulak. Tinulak yo purtahan. Mii taho.
Apura. Binutang yo gamit sa pangawhang
palapag nin double deck na higdaan.H'mmm.
Hamot. Gaprito. Data ikan taho. Luwas, dire-diretso
sa kusina. Hay salamat. Ikan na pagkaon.
Pangodtohan. Makaon na 'ko sa wakas.
Nagutom na pa naman yo bulate ko.
Makaluwas daw. An init. Kaininit. Ontad.
Pasalampak. Apurado. Makusog yo yunog nin
ontad sa monobloc chair. Kinuha yo dwaging
ontadan. Binutang sa atubangan. Nagginhawa.
Dawhang beses. Kinuptanan yo sintas ning
walang sapatos. Tinangkas. Mula sa cross sa
itaas pababa para magluwang. Yo walang
kamot naka-alalay sa bitiis, yo sado gakupot
sa sapatos. Sa parteng rapa-rapa. Tinangkas.
Hinangot yo sapatos. Tapos binaba. Hinari yo
medyas. Mula bitiis papunta sa bukong-bukong.
Pababa.
Hanggang mag-abot sa gogog. Pinagpag.
Dawhang beses. Hinangot. H'mm..h'mm.
Mi pa man. Mi pang hangop. Kuros yo siki.
Yo linya ning medyas nakatatak pa. Baga
dinuunan. Maputi. Narisa pa yo dugang na
foot powder na binutang kabagong aga.
Hinimas. Luway-luway. H'mm. Tapos na 'to.
Malipot. Naghangin pano tapos nagtapok
sa siki ko. Di bale. Nilapag sa dwaging untadan
na asa atubangan niya. Yo sdo naman.
Parehas man sa enot na siki. Hinangot. Mi pa
man hangop. Nsgginhawa. Huray.
Binaba yo sapatos. Tapos,
"Buds, makaon na. Mara na ta nakaluwag
na kami tuyan"
Hay salamat. Tsibugan na. Tindog. Kinuha
yo tsinelas. Panaw. Dire-diretso sa lamesa.
H'mm. Siram.

Masiram talaga.